修葺永福搞文創集體回憶那渣巷 盤活舊區一廂願惟嘆引客缺賣點

當局修葺永福圍殘樓，迷你倉擬打造文化創意區，引牌坊客流，盤活舊區經濟。 大三巴牌坊遊客逼爆，手信店生意滔滔。賣草地至噴水池一帶超旺，舖位月租幾十萬有商家吼。但女媧廟側的狹窄斜路，遊客似乎唔識落斜，下段草堆街及關前街客流甚少，對比牌坊及行人專區，熱鬧與寂靜成兩個世界。 當局年來花不少氣力，與坊間合力活化舊區，推動經濟發展，略有成效。惟活動過後，又打回原形。現時當局修復關前後街永福圍殘樓，目的仍是活化舊區，借港產片曾到此�景效應，希望像電影《歲月神偷》一樣，令上環永利街舊樓逃過拆卸命運，懷舊市街文化得以集體回憶。 從牌坊通關前後街，不止一條巷前往永福圍（永慶里）。最近牌坊的有大關斜巷，打橫掃去，則有長樓斜巷、永福圍及舊廣茂香側的快艇頭里。這幾條巷，如果在上世紀六、七十年代，肯定嚇怕遊客。大關斜巷沿路有幅大圍牆，對面是兩三層高舊屋，地面鋪石仔路，附近俊秀里等街坊冇事都mini storage走此捷徑，皆因黃金遍地，人狗糞便隨時見，垃圾滿巷。 長樓斜巷地勢蜿蜒而下，以前兩旁有高泥牆，亦係石仔路，同大關斜巷一樣，糞便垃圾隨處，兩條巷鬥邋遢。至於快艇頭里，昔日俗稱藞苴巷(那渣巷)，汙糟邋遢唔在講，還多了道友在窄巷吞雲吐霧，過客分分鐘被�死牛。快艇頭里又可穿往永福圍。 今時唔同往日，現時幾條巷經美化，比前乾淨，不再那渣。永福圍巷內經整治，裝設仿古街燈，還引來新人往拍婚紗照。 至於永福圍可否搞文創，見仁見智，當地老街坊則不敢睇好，甚至潑冷水。蓋因永福圍地方不大，附近一帶無配套設施，仍是居住區，倘搞得墟�，騷擾民居，會惹來反感。事實上，依賴未成氣候的文創帶旺舊區，只是一廂情願，難起飛腳，關鍵在於舊區有否吸引遊客的地方。近海傍新馬路及十月初五街一段十室九空，大多遊客都無興趣遊"死城"，起碼六國、冠男及所有舖位復活始有得搞。如無規劃欠魄力，活化棧�彈藥！ 羅倫斯 儲存