5GB自娛

每次有新iPhone推出，self storage由於炒價好賺，不少人都會考慮去網絡商簽合約上台出機，然後賣機賺上網月費。不過，仲有一、兩年舊約的客仔今次就好難揀，事關如果一加簽新約，原本享有的無限用量霎時變成5GB，超標就要俾錢先可以繼續上網。其實無限數據已成絕響，不單iPhone，就連其他手機用家同樣受限。既然事實無法逆轉，唯有乖乖學習用data新習慣。高危震單族Angela文員80後低用量用家，每月平均只用幾百MB數據用量，結果一次意外，搞到要交多成個月上網費。 明知成日要用手機上網的用家，上台時都會揀定無限或高用量數據計劃，所以除了去旅行時誤用數據漫遊之外，好小機會收到shocking bill（震撼賬單）。反而好似Angela這類用家，平時只用Facebook、WhatsApp，無諗過自己會用多過1GB，先至易出事。「用�3香港�$298月費計劃年幾兩年，每個月有1.2GB數據用量，從未試過爆data，點知上個月張單要交六百幾蚊，話我用多�800MB。」其實香港不少網絡商提供的限量上網服務，在用家用盡指定數據量後，都須另外俾錢先可以再上網，Angela幫襯的3香港卻可以先使未來錢，用家好易中招。收到shocking bill，Angela當然第一時間打上網絡商追查原因，不過答非所問亦屬意料之內，「問職員點解用�咁多數據，佢淨係識叫我print張單出�睇，但單上面根本冇列明每日用�幾多數據量，根本唔知因為乜事搞到爆data；而且爆data之前又冇提示訊息，講起都激氣。」代Angela向3香港查詢，亦未有清楚解釋超額原因。最後Angela雖然屈服照俾錢，不過就學識經常檢查數據用量，避免再次收到shocking bill。全城鬧爆網絡商靜雞雞結束無限數據時代，仲重申5GB數據量絕對夠用。落街做街訪，發現九成人士仍用無限Plan，仲鬧爆話額外收費絕不公平，寧願不用，都不會額外付款。狂鬧不公Winnie21歲學生聽到網絡商話要額外收費，個個已經鬧爆，不過都不夠Winnie反應大，「嘩！以前網絡商推廣手機上網，就俾人任上任用，但多人上就要限速，已經覺得好唔抵，而家又返轉頭，按用量收費，即係輸打贏要，咁仲成世界？真係太離譜，到時爆流量，我絕對唔會俾錢。」死慳到底Gaby20歲學生雖然九成無限plan用家鬧爆，不過唯一用有限Plan的Gaby，就提供至慳tips，「手機只用�上Facebook同WhatsApp，500MB都夠用，所以唔存在額外收費問題。其實可以慳住使，上堂�覺沖涼就熄數據功能，不過最緊要係熄apps�自動更新同自動上傳相片，我試過一日真係慳到百幾MB，咁耐都未試過爆。」網絡商睇怕可以搵Gaby做代言人。等月結翻生Evelin19歲學生有人積極想辦法慳流量，但Evelin諗法就較消極，爆錶後寧願不用，「額外費用就唔會俾錢喇，不過，我一般上網冇下載，估計未必會用足5GB，所以就算取消無限plan，都唔會改使用習慣，最多等下個月翻生囉。」不過，經記者一提，Evelin話會嘗試裝監控apps，開始留意每月用量。即刻加約MayMay21歲學生老實講，用慣無限plan，又的確幾難改上網習慣，所以MayMay就話趁網絡商未全面取消前，加約保留無限用量，「而家用緊無限plan，使慣用慣，無啦啦設限，就算有幾多GB都覺得唔夠用，所以會趁網絡商未全面撤銷前，睇�有冇得延長多幾年約。不過可能到我合約期滿，網絡商又再推無限plan，幾年後乜世界都未知。」彈免費Wi-Fi無用Sam20歲學生「我都留意到網絡商想取消無限plan，所以半年前已經留意自己用量，結果發現每個月都超標，事關我又睇片，又打online game，所以多多都唔夠。雖然有人話可以搵免費Wi-Fi，但好多都係得十幾二十分鐘，而且手機上網最大優點係流動，用Wi-Fi要企定定，冇晒意義。」全城月費鬥四大網絡商趁兩大機王iPhone 5s及GALAXY Note 3推出，即時取消無限上網計劃，同樣月費只得番5GB用量，簡直變相加價。無謂受氣，不如轉台去一間更適合自己、更抵用的網絡商。今次格盡全港多間提供流動上網的網絡商，睇一睇邊間上台最抵用。比併高用量計劃現時五間最大的網絡商，包括3HK、數碼通、one2free、1010以及PCCW都取消無限上網計劃，只餘下中國移動香港以及中國聯通香港仲有無限數據計劃，不過，上網速度就較慢及飄忽。總結論5GB數據流量計劃，PCCW最抵玩，平均$186一個月，而且超過5GB之後，只需$90就可以購買額外1GB用量。但如果帶號碼轉台，3HK就另有$1,368回贈，計落平均每月只需$183（（$5,760-1,368）÷24個月），比PCCW更平。中國移動香港以及中國聯通香港均有無限數據計劃選擇（5GB之後限速至不低於128kbps），兩者都只需二百零蚊，但中移動香港擁有4G網絡，稍勝只提供最高3.5G上網速度的中國聯通香港。總結3HK出Note 3雖然會有$480月費回贈，最後計落比起同樣提供5GB數據計劃的PCCW還要貴一點。中移動香港仍有無限上網出機計劃，雖然比PCCW貴，但對於嫌5GB不夠用的用家，可說是唯一選擇。限速選擇如果只用來睇網頁、玩Facebook同WhatsApp，上網速度要求不高，其實可選擇更平的限速計劃（最高上/下載速度為384kbps）。月費基本上大同小異，不過合約期以及一些條款，就有少少分別。另外，所有限速計劃都不可用作網絡分享，以及只限手機使用（屏幕達7吋或以上的裝置均不能使用）。總結各間網絡商的限速月費由$60至$68不等，但細睇條款，原來3HK最不抵用，因為只有頭2GB是384kbps速度，之後會進一步限速至128kbps。數碼通合約期就最短，適合不想綁太耐約的用家。不過如果經常中國香港兩邊走，建議使用中國聯通香港，因為合約中的$10增值服務，已包括多一個國內電話號碼（一卡兩號）。月費計劃Q&AQ：超標點算？A：用盡數據用量後，現時大部分網絡商都會即時「截數」，用家須另購用量先可以繼續上網。當中只得3HK沒有即時截數服務，而且如果用家沒有申請「數據用量訊息提示」（須網上登入賬戶設定）的話，用多幾多數據都不會即時知道。Q：點check數據量？A：3HK、one2free、1010、PCCW及中國移動香港，都已經在iOS及Android系統上推出自家apps，用家只須登入賬戶，就可以睇到截至前一日的數據用量。數碼通用家雖然沒有專用app查數，但只要利用電話打出「*#123#」，一樣可以收到mini storage使用數據用量的查詢短訊（同樣是截至前一日）。Q：續約點計？A：如果有舊合約在身，上台出新機時會自動延長合約年期，不過，舊合約的月費及數據量都會即時跟新約計算，換句話講，原本可無限上網的用家，續約後都會即時變成只得5GB數據用量，一定要三思。當中只得數碼通會繼續保留舊合約內容，直至完結後先採用新約規條。數據陷阱政府宣傳片都有叫人留意流動數據用量，以免收到驚人月結單，不過段片只講數據漫遊費同叫你熄自動更新，其實數據陷阱仲有好多，下面逐一同你講。備份危機用手機影相又怕部機突然出事，通常都靠雲端儲存幫手備份，其中Dropbox更加是首選，但如果開啟相片自動備份功能，影幾多上載幾多，隨時未夠一個月已經用盡數據量。解救招：開啟Dropbox並進入「設定」，在「相機上傳」一項，選擇「關閉相機上傳」（紅圈），相片便只會以Wi-Fi方式備份。自動升apps好多人都知智能手機系統會自動更新，所以都知一定要取消以免流動數據超標，但其實apps的更新比系統自動更新更可怕，每隔幾日就有新版要升級，加上iOS 7亦加入apps自動更新功能，流動數據隨時無得剩。解救招：iOS 7用家可到「設定」→「iTunes與App Store」，將「更新項目」（紅圈）一欄關上。至於Andriod用家，則可進入「Play商店」→「設定」→「自動更新應用程式」（黃圈），選擇「不要自動更新應用程式」即可。亂用FaceTime自從iOS 6放寬FaceTime可以使用流動數據使用後，方便程度大增，但流動數據超標的危機亦都上升，怕亂用，最好手動限制使用流動數據開FaceTime。解救招：iOS 7用家在手機「設定」→「行動網絡」，將下方「使用行動數據：」內的FaceTime一項（紅圈）關上，便可限制FaceTime只可在Wi-Fi連線下使用。WhatsApp中招雖然WhatsApp會將相片同影片壓縮減少數據用量，但坊間有不少遊戲、朋友群組鍾意亂send相，一日隨時收百幾張，全部自動下載照單全收，認真浪費。解救招：進入WhatsApp主頁面，選擇「設定」→「聊天設定」→「自動下載多媒體設定」，在「當使用手機數據時」（紅圈）一項，將圖片、音效、影片三個空格留空，所有多媒體檔案在使用流動數據時只能手動下載。測速出事自從有3G網絡，不少人都會裝網絡測速app，間中測試網絡速度是否夠快。不過如果你使用4G網絡，最好避免測速習慣。點解？因為根據香港通訊事務管理局（OFCA）推出的測速app條文指出，當使用4G網絡，測一次速有可能會用到100MB數據量，好易超標，絕對要小心使用。背景apps偷數據現時手機硬件夠快，所以無論iOS或Android都支援multi tasking（多功處理）功能，雖然用落夠方便，毋須每次都重新load過個app，但就容許app繼續連線，浪費流動數據。解救招：如果使用iOS 7，只要去「設定」→「一般」，然後在進入「背景App重新整理」，關上最上方的「背景App重新整理」（紅圈）一項即可。至於Android用家，則可在「設定」→「數據流量」，選擇想要限制背景update的apps，拉至最下方，並選取「限制背景數據連線」（黃圈）。 只要在Facebook以「NEXT 3.0」為關鍵詞搜尋，或以手機的「QR code」app掃描，就可以睇到更多新聞同產品情報。5GB秤住用無限變有限，以前狂睇片、上網日子不復再。不過，流動數據點都要繼續用，除開條數每日只得170MB用量，應該點用先好？高危勿用使用範圍：睇片煲劇隨街睇片講到最大食，自然非睇片莫屬，其中YouTube及MyTV最高危，如果睇45分鐘，前者就算降低質素都用近300MB，後者揀低畫質「起格」劇都要80MB，如果睇高質素版本，就一定爆標！其實睇片易超標，最主要原因是現時4G速度夠快，手機屏幕又夠高清，所以串流睇片自自然然揀高畫質，不過，以後都要留番有Wi-Fi或下載定入手機先好睇。切忌亂用使用範圍：串流聽歌、新聞短片、備份資料小心易濫根據測試的數據資料顯示，睇十條動新聞及以標準質素串流聽十首歌，所用的數據加埋都不足60MB，不過小數怕長計，絕對要就住用。至於用Dropbox備份相片，都要留意數據量，雖然手機相大約只得1MB至3MB，但upload十張已經佔十幾廿MB，都是揀過先好上載。放心用使用範圍：社交、即時通訊、地圖、開網頁通訊照常串流睇片、聽歌對5GB用量有壓力，減少使用無可厚非，但如果連一般通訊apps都無得用，隨時有電話都無朋友，變成「孤獨精」。其實今次測試中，WhatsApp、Facebook、Instagram等apps佔用的數據都不算多，正常使用大約一日只用30MB以內；至於要不停下載地圖資訊的Google Maps，就算每日導航兩次都用不到10MB數據，單純用以上幾個apps，「超支」機會極微。Wi-Fi任你用無限plan年代終結，平時行街唯有就住用，但其實只要識搵免費Wi-Fi，想保持以往「大花筒」生活都不難。現時大部分大型商場、港鐵站都設有免費Wi-Fi，加埋香港政府的Wi-Fi通，基本上行兩步就有得免費上網。至於速度同穩定性，大部分都接近2Mbps，部分商場如ifc、apm等更高達30 Mbps以上，不過就要識揀地點，好似香港站同中環站兩個免費Wi-Fi點雖然相距不足兩分鐘路程，但香港站較少人用，易連線兼速度快；後者就經常連不到線，就算連到都無法上網，得物無所用。怕免費Wi-Fi限制多？在測試時無論睇YouTube、上Facebook、收發WhatsApps、下載apps同Dropbox上下載資料都完全無問題，限制極少，反而要注意保安問題。由於免費Wi-Fi通常不會為傳輸的數據加密，黑客只須利用簡單軟件，即可截取傳輸的資料，所以切忌用來進行網上交易或理財。 香港站網速達2010kbps*，但相隔兩分鐘路程的中環站，只有175kbps，完全體會到地點的重要性。*1Mbps = 1024kbps即搵免費Wi-Fi想知道附近有無免費Wi-Fi，可安裝iOS同Android都有的免費app HKFreeWifi，入面預設大量免費Wi-Fi位置資料，仲有埋地址同登入名稱，夠方便。HKFreeWifiHKFreeWifi內置過千個香港免費Wi-Fi熱點，亦會不定時更新資料。每日用幾多如果根據以上計算方式聽歌、睇動新聞、玩社交同即時通訊app，睇埋地圖，每日加埋大約用到124MB，仲有約46MB，夠睇半集MyTV低畫質電視劇，如果睇足一集，就一定超標。迷你倉